La decisión de llevar a Plenu la propuesta de dinificar esti fechu hestóricu ta agora en manes de los grupos parllamentarios, que quedarán retrataos pol so posicionamientu comu defensores o enemigos de la Memoria Hestórica Asturiana

El 24 d’Agostu de 1937 foi una fecha clave na hestoria d’Asturies na que’l destín del país pudo camudar. Esa nueche, el Conseyu Interprovincial d’Asturies y Lleón, presidíu pol hestóricu dirixente Belarmino Tomás, determinó costituyise en Conseyu Soberanu d’Asturies y Lleón, asumiendo plena xurisdición y responsabilidá nel gobiernu civil y militar de los sos territorios, protagonizando lo que ye la cabera declaración d’independencia d’Asturies, desaniciada polos exércitos facistes pa aliviu de la República Española, que se posicionó siempres escontra de la llibre decisión de los asturianos, con tou lo qu’ello implicó.

Coincidiendo col 83 aniversariu d’esa fecha Andecha Astur presentó a la Xunta Xeneral una propuesta na que soliciten que se ponga’n valor y se cellebre istitucionalmente’l esta fecha, incluyendo na mesma una riestra d’aniciatives pa la so cellebración istitucional, propuesta que vien d’almitise a trámite por parte d’esti organismu.

Los grupos parllamentarios recibirán, poro, esta propuesta pa ser tratada en plenu, lo que da una oportunidá a la izquierda española del PSOE, Podemos ya IU pa dar un pasu alantre y demostrar con fechos la so teórica defensa de la Memoria Hestórica, llevando a votación esti tema.

P’Andecha Astur, la negativa a aldericar en plenu la cuestión retrataría a los grupos parllamentarios comu contrarios a Asturies y la so Memoria Hestórica, espeyando que “na Xunta Xeneral nun tan sirviendo a Asturies, sinón defendiendo ensin más la estabilidá del réxime franquista y corrutu que representa la monarquía de los Borbones”.

Nuria Prendes