Nel mes d’agostu rexistróse la Sección Sindical de CNT Xixón en La Botica Indiana-Hosteleríes El Patio, col envís de reclamar unes condiciones dignes de trabayu nos munchos establecimientos que tien esta empresa partíos per Asturies. De man, denunciaben que, pente otres coses, los contratos que faen nun respeten la categoría profesional y la totalidá de la plantiya vese obligada a faer hores extras non remuneraes, baxo la esculpia de que’l trabayaor “apautare” eses condiciones anantes d’entrar na empresa.

 Amás, los trabayaores denuncien la utilización de contratos fraudulentos que los caltienen a mercé de la empresa por mieu a la non anovación de los mesmos.

Foi precisamente la reclamación del so calter de trabayaor indefiníu, tres dellos meses con contratos en fraude de llei, lo que llevó al despidu d’un de los emplegaos de la Botica Indiana en Xixón y miembru de la citada estaya. Dende la CNT reclamen la so realmisión darréu y la so reconocencia como indefiníu, acordies a la llei. Entantu, llamen a los ciudadanos al boicot contra esta cadena d’establecimientos.