Un estudiu desendolcáu pente los años 2009 y 2018 señala a la costa asturiana ya l’entornu del Cabu Peñes comu puntu d’intensu tráficu y acumulación de plásticos y microplásticos. Esta basoria pasa per delantre d’Asturies camín a la gran concentración del Golfu de Vizcaya, cientru de la investigación, que les sos carauterístiques xeográfiques y los patrones de corriente convierten nun focu d’atración y apinamientu de residuos.

El Cabu Peñes nun ye l’únicu puntu prietu de la mariña asturiana, esisten polo menos cuatro zones con grandes concentraciones de plásticu, seique non tan importantes comu les que se dan na costa vasca.