Asturies ta siendo una de les zones del estau con mayor cantidá d’aiciones de rempuesta contra la monarquía. ¿A qué crees que se debe esto?

Creo que hai dos motivos mui evidentes:   el primeru ye que la monarquía xenera rechazu n’Asturies.  Les encuestes socioloxiques, cuando s’entruga sobre ello,   siempres espeyen esa refuga a la monarquía. N’Asturies hai una tradición obrera, d’izquierdes y republicana que taehí. Otra cosa ye que lleven decades faciendo esfuerzos por reconvertir esa realidán’otra cosa: el Principado, el mitud’Asturies cuna de la corona española, el coronamientu de la princesa Leonor  en Cuadonga y los premios Principe, agora premios Princesa. Pero sigue habiendo un posu grande obreru y d’izquierda dafechamente antimonarquicu.

Y el segundu motivu que  desplica la capacidá de rempuestad’Asturies contra la monarquía,  ye’l nivel de organización popular.  Vivimos tiempos mui complicaos pa organizar rempuestes y Asturies  consigue xenerar una  rempuesta antimonárquica porque hai un esfuerzu detrás d’ello de persones que buscamos xenerarun clima de confianzaente organizaciones y ponesed’alcuerdu en cuestiones básiquespa organizamos y dar esa rempuesta. Nesti sen, ficimos un esfuerciu mui grande  organizaciones como Andecha Astur, Corriente Sindical d’Izquierda, FAMYR, Anticapitalistes Asturies y otres organizaciones xuveniles o colectivos sociales.

¿Cómo valores la rempuesta ciudadana no que cinca al manifestamientu del día 16 d’ochobre y, en xeneral,  a esta campaña d’Asturies Nun Tien Rei?

En cuanto a la rempuesta ciudadana ye difícil facer un analís qu’englobe a tola compaña porque, incluso nestostres meses, pasamos per momentos mui difirentes condicionaos pola situación sanitaria n’Asturies y les diferentes restricciones que fueron imponiéndose a midia que la segunda folafoi aportando dempués del branu.  Entamamos a movenos a finales de xunetu porque yera necesario dar una rempuesta inmediata a la visita de los reis d’España col motivu la so xira veraniega y hebio qu’organizar esa rempuesta de forma mui rápida. Nun se sabía que día vinien y hubo qu’organizase en dos dies. Yo vilo como una cuestión de dignida p’Asturies. Sería una vergoña que los reis zarrasen la xira de branu n’Asturies y que nun hubiere la más minima reaición por parte de naide. La mayoría les organizaciones politiques, sindicales, xuveniles y sociales que se mueven n’Asturies na izquierda al marxe, por supuestu, de la izquierda monárquica española foron  mui receptives y asina concretóse tou mui rápido.

A lo llargo de tol mes de agostu ficimos delles concentraciones: una en Xixón, camudando’l nome de la avenida Juan Carlos I, y otra n’Uviéu delantre la sede de la Fundación Princesa.  Tamién una campaña de pancartes y pegadielles peles cais de les nueses ciudaes. En tola campaña la participación foi más qu’interesante pero quiciabes la más prestosa foi la participación de la xente na manifestación del 8 setiembre en Xixón.  Curiosamente los medios de comunicación tapecieron esi resultáu tan prestosu.

En cuanto a la manifestación del 16 d’ochobre, coincidiendo colos  premios Princesa,  la situación sanitaria condicionó dafechu. Dos dies antes la administración impuso restricciones que complicaron muncho que la xente pudiese acudir ensin miéu. Per otru llau, el fechu de que los premios se ficieran a puerta pesllada en El Reconquista sin la posibilidá de planta-yos cara a los reis delantre d’El Campuamor o, mesmamente, la desautorización de la Delegación de Gobiernu de la concentración convocada pol colectivu de la Sanidá delantre d’El Reconquista tampoco ayudó. Asina too, salió una manifestación nun tolo grande que mos prestaría pero que aportó a la plaza La Escandalera y terminó con una concentración bien digna.

¿Por qué decidisteis tirar p’alantre neses condiciones tan desfavoratibles?

Pidimos-y a la xente que respetase les recomendaciones sanitaries: distancia ente persones na manifestación usu de mazcarina y evitar  grupos de seis nos típicos corros que se formen nes concentraciones. El día anterior convocamos a la prensa delante del Reconquista pa facer una rueda prensa, llanzar eses recomendaciones y animar a les persones que nun perteneciesen a grupos de riesgu a acudir a la manifestación con toles precauciones. Tamién queriemos tener voz pa desplicar la represión y la desautorización de la concentración del Reconquista porque había muncha confusión y xente que pensaba que la manifestación también taba prohibida.  Pero la prensa del sistema nun acudió, una vegada más nun mos dieron voz. Y nun sería porque nun hubiese medios acreditaos nel entornu del Reconquista. Dibemos pidir que la Fundación Princesa  cancelara la entrega de Premios y el restu d’actos y nós asina podriemos cancelar la manifestación. Pero los premios cellebráronse y nosotros vímonos obligaos a facer les protestes.  Nun los queremos, nun queremos que vengan con impunidá y tolos reconocimientos. Vamos a siguir protestando y amosando la nuesa refuga.

This work is licensed under a Creative Commons Attribution 4.0 International License.