Recoyemos el llamáu d’esta enfermera a esparder lo que ta pasando en Cagüeñes: enfermeres ensin formación nin esperiencia, UCI’s al 264% y falta previsión dafechu
Soi una enfermera que trabaya nel Hospital de Cagüeñes de Xixón, perteneciente al Serviciu de Salú del Principáu d’Asturies (SESPA).Escríbovos para informavos de lo que ta pasando en dichu hospital.
Esta selmana abrióse una cuarta unidá de curiaos intensivos (UCI) nel serviciu de ciruxía ensin ingresu. En condiciones normales esti hospital cunta con una única UCI na quinta planta, dotada con catorce cames.
El personal destináu a esta cuarta UCI son enfermeres con escasa o nula esperiencia nesti serviciu. Dalgunes d’elles nunca recibieron formación específica y otres ficieronlo hai tiempu asgaya -inclusive hai más de venti años-. Amás, la mayoría nunca trabayó con pacientes críticos. Entá asina, estes enfermeres tán obligaes a dexar el so actual puestu pa incorporase a esta UCI. Si s’oponen menaciaseyos con rescindir el contratu y pone-yos una falta grave nel so espediente.
Entá más, niégase-yos cualquier tipu de formación en curiaos críticos, nel so llugar dízse-yos que “van deprender sobro’l terrén”. Esto non yá imposibilita l’alquisición de la conocencia y habilidaes necesaries para una bona praxis enfermera, sinón qu’obliga a estos profesionales a trabayar fora de les sos llendes de competencia y repercute negativamente nuna afayadiza calidá asistencial, aumentando asina la posibilidá de cometer erros que deriven en dañu pal paciente.
A esto hai qu’añedir que, desque empezó la pandemia, la xerencia de la área V nun fixo absolutamente nada pa, en previsión d’una segunda fola, formar a dichos profesionales pa trabayar na UCI. Sicasí, pídese-yos qu’exerzan más allá de la so función, esperiencia y formación.
Coles mesmes, les TCAEs (técnicos en cuidos auxiliares d’enfermería) contrataes pa esta UCI, son na so mayoría personal ensin esperiencia; más entá, dalgunes d’elles formáronse va más de dos décades y desendolcaron la so actividá llaboral n’otros ámbitos ensin rellación cola sanidá. A esto hai qu’añedir que, habiendo TCAEs nel hospital cualificaos pa trabayar nesUCI, la direición d’enfermería nun-yos permite’l treslláu a dichu serviciu.
A lo último, gustaríame esclariar que la ocupación de cames UCI nel Hospital de Cagüeñes nun ye nin d’un 40% nin d’un 50% sinón d’un 264%.Ello ye que de les cuarenta cames de UCI qu’hai nesti hospital agora mesmo, namás trés tán ocupaes por pacientes non COVID.
Lo enantes espuesto supon un riesgu bien grave pa la seguridá del paciente por una sobrecarga asistencial, ensin precedentes, pal personal.
Por favor, ruego que s’espublice la realidá de lo que tamos viviendo.
Un saludu.
Esta selmana abrióse una cuarta unidá de curiaos intensivos (UCI) nel serviciu de ciruxía ensin ingresu. En condiciones normales esti hospital cunta con una única UCI na quinta planta, dotada con catorce cames.
El personal destináu a esta cuarta UCI son enfermeres con escasa o nula esperiencia nesti serviciu. Dalgunes d’elles nunca recibieron formación específica y otres ficieronlo hai tiempu asgaya -inclusive hai más de venti años-. Amás, la mayoría nunca trabayó con pacientes críticos. Entá asina, estes enfermeres tán obligaes a dexar el so actual puestu pa incorporase a esta UCI. Si s’oponen menaciaseyos con rescindir el contratu y pone-yos una falta grave nel so espediente.
Entá más, niégase-yos cualquier tipu de formación en curiaos críticos, nel so llugar dízse-yos que “van deprender sobro’l terrén”. Esto non yá imposibilita l’alquisición de la conocencia y habilidaes necesaries para una bona praxis enfermera, sinón qu’obliga a estos profesionales a trabayar fora de les sos llendes de competencia y repercute negativamente nuna afayadiza calidá asistencial, aumentando asina la posibilidá de cometer erros que deriven en dañu pal paciente.
A esto hai qu’añedir que, desque empezó la pandemia, la xerencia de la área V nun fixo absolutamente nada pa, en previsión d’una segunda fola, formar a dichos profesionales pa trabayar na UCI. Sicasí, pídese-yos qu’exerzan más allá de la so función, esperiencia y formación.
Coles mesmes, les TCAEs (técnicos en cuidos auxiliares d’enfermería) contrataes pa esta UCI, son na so mayoría personal ensin esperiencia; más entá, dalgunes d’elles formáronse va más de dos décades y desendolcaron la so actividá llaboral n’otros ámbitos ensin rellación cola sanidá. A esto hai qu’añedir que, habiendo TCAEs nel hospital cualificaos pa trabayar nesUCI, la direición d’enfermería nun-yos permite’l treslláu a dichu serviciu.
A lo último, gustaríame esclariar que la ocupación de cames UCI nel Hospital de Cagüeñes nun ye nin d’un 40% nin d’un 50% sinón d’un 264%.Ello ye que de les cuarenta cames de UCI qu’hai nesti hospital agora mesmo, namás trés tán ocupaes por pacientes non COVID.
Lo enantes espuesto supon un riesgu bien grave pa la seguridá del paciente por una sobrecarga asistencial, ensin precedentes, pal personal.
Por favor, ruego que s’espublice la realidá de lo que tamos viviendo.
Un saludu.
This work is licensed under a Creative Commons Attribution 4.0 International License.
