Ya ta disponible’l trabayu d’esti añu nun solu númberu, que, en 103 páxines, recueye 6 interesantes artículos escritos por otros tantos investigaores.

L’artículu que da portada a la revista entitúlase “Otru vecín peligrosu ya imposible de desaniciar n’Asturies. Vespa Velutina, una invasión en volanderes”, d’Andrés Arias Rodríguez. Xunto a elli, podemos alcontrar un repasu a los “Grandes mamíferos del Cuaternariu n’Asturies”, de Diego álvarez Lao, una mirada a la vida de “Un investigador clave na conocencia de la Botánica d’Asturies. José Antonio Fernández Prieto” escrito por Eduardo Cires, y a la memoria de “Salvador Rivas Martínez (16-VII-1935/27-VIII-2020) Fitosociólogu universal, alpinista reconocíu y maestru de botánicos”, por Tomás Emilio Díaz González. Bernardo Busto Parras preséntanos “A NAVE de Las Aceñas. Un proyecto ilusionao dos 90 en Navia” y finalmente Manuel Germán García Benito pon enriba la mesa un tema de másima actualidá: “Tres desafíos pa la Enfermería del futuru: espíritu entamador, cambéu climáticu y ferramientes informátiques”