El prósimu sábadu 9 de Xineru’l músicu y escritor Maxi Areñes, fundaor del grupu de folk progresivu Fontoria, va presentar el so tercer llibru, entituláu “Cuentinos dende la radio”
La hestoria d’esti llibru empieza mientres el confinamientu, cola invitación del periodista Enrique Carballeira a narrar un cuentu de la so autoría acaldía n’Onda Centro Oriente, pa que los radioyentes tuvieren un momentu d’arruelu a lo llargo la pandemia. El llibru recueye esta escoyeta de cuentos, escritos y narraos na radio dende’l pasáu 17 de Marzu de 2020 fhasta güei.
Cuentinos dende la radio ye’l preslle d’una triloxía qu’entamare con Cuentinos dende Areñes (2028) y siguiría con Suañando dende Areñes (2019), y al igual que los sos antecesores, ta ilustráu por Maitetxu Isla y prologáu nesta ocasión por Enrique Carballeira, que van participar tamién na presentación del llibru,na Sala Polivalente de Infiestu, esti próximu sábadu 9 de xineru a les 17:00 de la tarde, cumpliendo tolos requisitos d’aforu y distancies. Amás de la presentación y posterior alderique Maxi Areñes va ufiertar un pequenu conciertu acústicu .
Redaición InfoAsturies
This work is licensed under a Creative Commons Attribution 4.0 International License.
