Los trabayadores amuésense sosprendíos énte’l cambéu de política de los sindicatos, que se negaron a roblar el ERTE actual pero que nun duldaron en roblar unánimemente’l del añu pasáu “Esperamos que seya porque escucharon a los y les trabayadores y cavilgáren nos sos planteamientos”, declaren. “Ye daqué que, anque sabemos que dalgunos lo faen de cara a la galería, congratúlanos”

Pa l’Asamblea de trabayadores, un de los motivos que pudieron influyir na decisión de nun sofitar esti nuevu ERTE podría ser el despidu de direutivos con sueldos cienmileuristes nestos últimos meses, despidos duramente condergaos por CCOO; sindicatu que sicasí “nun foi a l’ayuda d’una compañera del comité, Susana Fernández, cuando foi inxustamente despidida (como dixo’l Tribunal Cimeru de Xusticia d’Asturies). Ye más, estos sindicalistes” fueron a declarar a favor de la empresa y de esos direutivos qu’agora cayeron en desgracia”.
Aprofiten la ocasión p’afear a los miembros de la mesa negociadora del anterior ERTE que nengún miembru de la mesa  fore reguláu, magar qu’espresamente reflexaron nel espediente qu’arrenunciaben al so drechu como sindicalistes a nun ser regulaos, daqué que promocionaron pa da-y más heroicidá a los sos actos.
Sicasí, dellos miembros de comités que nun tuvieron neses negociaciones sí que se vieron afeutaos, diendo al paru mientres el tiempu másimu que-yos dexaba l’alcuerdu. “Ellos ensin nengún tipu de publicidá arrenunciaron a la proteición sindical, que supondría qu’incluyeren a otru compañeru nel so llugar”.
Nel nuevu  espediente sí taben na llista delles persones de la estaya sindical de CCOO qu’apelaron a la so llibertá sindical pa nun dir regulaos, camudando’l so inicial refugu al so  como sindicalistes.
En cualisquier casu, inciden en que los y les trabayadores de Duro Felguera van ser, como nel anterior espediente, los qye paguen “La vergoñante xestión de la cabera década en Duro Felguera”.

Llucía F. Marqués

This work is licensed under a Creative Commons Attribution 4.0 International License.