Na actualidá asturiana destaquen dos noticies qu’alquieren más sentíu cuando se lleen xuntes; una, que’l mafiosu Fernández Villa nun va cumplir la so condena de tres años de cárcel. La otra, qu’el exsecretariu d’Enerxía va ser imputáu por esviar 30 millones d’euros a la trama corrupta d’UXT Asturies, encabezá por Fernández Villa
L’Audiencia concede a Villa la suspensión de la execución de la pena de cárcel pol so “deterioráu estáu de salú”, confirmando la impunidá de facto de los imputaos na trama de corrupción de la FSA/UGT/PSOE. L’informe médicu recueye un trestornu ansiosu depresivu con cuadros de tracamundiu que podríen agravase en prisión.
Villa nun entró en prisión hasta’l pasáu 2 d’ochobre, dempués de que’l Tribunal Supremu confirmara la pena de trés años de cárcel pal exsecretariu xeneral del sindicatu mineru por un delitu siguíu d’apropiación indebida de fondos del sindicatu.L’informe de la UCO (Unidá Cientral Operativa de la Guardia Civil) sobre’l casu Hulla nun dexó llugar a dudes sobre l’orixe de la fortuna de Fernández Villa, fasta 9 delitos recoyios en más de 400 folios. Blanquee de perres, delitu contra la Facienda pública, falsedá documental, tráficu d’influyencies, delitu societariu por apropiación indebío, prevaricación, cofechu, prevaricación urbanística y marafundiu de caudales públicos son los fechos polos que foi xulgáu y condergáu. Nel informe afítase que l’orixe de les perres regularizaes por José Ángel Fernández Villa y José Antonio Postigo cola amnistía fiscal del PP nun procedíen d’herencia nin del trabayu, sinon de la xestión delictiva por parte de los másimos responsables del SOMA UGT y del Montepío de la Minería, cola connivencia del entós presidente Vicente Álvarez Areces. Cuatro meses escasos de cárcele pola so participación nuna trama de corrución que desanició’l futuru d’Asturies.
La otra noticia del díe ye la imputación del Secretariu d’Estáu d’enerxía de Zapatero por desviar 30miyones d’euros a UGT Asturies con destín a la Residencia d’Ancianos de Felechosa, siendo Jose Ángel Fernández Villa el principal receutor de los mesmos.
Xunto a Pedro Luis Marín Uribe, la Fiscalía Anticorrupción pidi la imputación de los principales responsables del Ministeriu d’ Enerxía qu’aprebaron esi espediente. Anticorrupción censura amás l’actuación del que fuere ministru d’Enerxía baxo la presidencia de José Luis Rodríguez Zapatero, Miguel Sebastián.
This work is licensed under a Creative Commons Attribution 4.0 International License.
