“Nun m’estraña que-y tiren güevos, que-y los tiren, pero que nun los vengan a tirar a La Pola, que-y los tiren n’Uviéu, qu’equí vivimos nosotres” declaren les vecines de Llaviana, depués de llimpiar los daños collaterales del “grave atentáu”

Nun lo puede evitar, tien ansies de mocín de la película, presta-y dir d’héroe dende’l so cómodu puestín y pa enriba tien dotes dramátiques sobraes pa ello. Adrián convierte la docena güevos estrapayaos na muria la so casa nun “ataque intolerable que fae pelligrar la convivencia” y lo que ye más grave, la izquierda istitucional asiente con gravedá y conderga la “violencia” comu forma de protesta; non toos, aquellos que carecieron nes propies carnes lo que ye la vraera represión, los qué saben de que va -en serio- ser atacáu pola so defensa  -en serio- del pueblu y del puestu de trabayu, consideren insultante’l berrinche del presidente.

Albidramos que Barbón nun dedicó nin diez menutos pa parase a camentar por qué hai asturianos que tan fasta los güevos. Eso, comu tantes otres coses, queda fuera les sos competencies.

Nuria Prendes

This work is licensed under a Creative Commons Attribution 4.0 International License.