Pal diputáu de Podemos, ye imprescindible pidir responsabilidaes polítiques y esclariar quien mintió mientres toos estos meses a los afeutaos pol tresvase fallíu de datos del SSB al IMV. Les sos acusaciones recayen sobro la cabeza de llista del so propiu partíu n’España, Pablo Iglesias, yá que, quiciabes ensin decatase d’esi detalle, acusó al Ministeriu de Drechos Sociales, del qu’Iglesias ta al frente.

Rafael Palacios nun dulda en calificar la situación creada pol so partíu y los sos socios de “maltratu institucional a los más desfavorecidos” y “intentu de sabotaxe del IMV”, del qu’acusa tantu al Ministeriu de Drechos Sociales como a la Conseyería del Principado”. Esixó amás que se dean a los 7.000 afectaos soluciones darréu, qu’haiga retroactividá de les prestaciones y que la nueva tramitación seya axilosa y cenciella, tirando nuevamente piedres al so propiu teyáu al anunciar la consiguiente perda de creyibilidá de los políticos ya istituciones públiques implicaes.

Nuria Prendes