La Federación de Montaña Asturiana entama’l Circuitu de Carreres Virtuales per Montaña d’Asturies. De magar el pasáu 12 de marzu y dica’l 30 de xunu podrán facese’n formatu virtual 7 prebes clásiques del calandariu asturianu que comparten las carauterístiques homologaes pola FEMPA. Trátase d’eventos que nun pueden realizase na so edición presencial por razones sanitaries.

El Trail d’Afuega’l Pitu, Castañéu Redes Trail, Trail de Peñamayor, Cayón Trail, Subía al Picu Pienzu, Trail Cuartu de la Riera y Allande Estremu son parte de les prebes qu’encadarmen esta primera edición del Circuitu Virtual.

El formatu de competición ta basáu na utilización de los segmentos de Strava (un por preba) y nuna plataforma desendolcá a midía que contabiliza los tiempos realizaos nos percorríos, faciendo les clasificaciones de forma automatizao.

La participación na competición ta llendá a los federaos FEMPA o FEDME (Asturies) y la iscripción ye de baldre, con clasificación y obsequiu a los venceores por preba y final (contabilizando los meyores resultaos de 5 prebes) y con un regalu a los que completen les 7 prebes del circuitu.

Nel Dos Santos