Esti vienres 16 d’abril, a les siete y media la tardi, la Escuela de Comerciu de Xixón va acoyer la presentación de “Piedra gris con rellumos doraos”, nuevu trabayu de la escritora llangreana Helena Trexu Fombella

Cola avezá sensibilidá d’Helena Trexu, la obra recueye, al traviés de la rellación d’una ma y una fía a les que xune l’amor pola música, la obra de 19 músiques de sieglos pasaos a les que la sociedá robó’l méritu ya en munchos casos, la posibilidá de desendolcar dafechu los sos talentos.

Helena Trexu tien tres de si una llarga carrera lliteraria con premios asgaya y una montonera llibros espublizaos que toquen tolos xéneros y temátiques.”Piedra gris con rellumos doraos” , obra espublizada pola editorial EPONA, tien diseñu de Violeta Mateu y sedrá presentada por   Llucía Fernández Marqués escritora.