Cuando creíemos que la plataforma de guerra cultural d’estrema drecha, El Club de los Viernes, que centró bona parte de los sos enfotos na llucha contra oficialidá del asturianu, nun podía faer más el ridículu, l’encruz d’acusaciones ente l’actual direutiva y l’anterior vicepresidente tórnalu nun auténticu circu

Patétiques manifestaciones de siete persones, declaraciones grandilocuentes ensin más fundamentu que l’odiu, bulos y payasaes varies definen la trayectoria d’esti Club, que salta agora a l’actualidá poles sos divisiones internes.

Per una parte, ta l’apocayá destituyíu vicepresidente, Ricardo Parente, acusando a l’actual directiva d’echar llevantos, de nun caltener el celu necesariu na custodia de los datos de los miembros y de nun paga-y la so cabera mensualidá, too ello, según Parente, arriendes de un conflictu ensin resolver dende xunetu de 2019 pola división nel senu de la organización ente partidarios del PP y de Vox. Pela so parte, la xunta direutiva del Club de los Viernes acusa al so esvicepresidente d’atropar una importante delda col Club y d’opacidá nes cuentes. Tres la so destitución, según la versión de l’actual directiva, Parente caltien na so poder les claves de les cuentes del Club, utilizando amás nel so beneficiu les bases de datos del mesmu.

El venceyu d’esti colectivu colos partíos de la estrema drecha española nunca nun foi un secretu, ello ye que un de los sos principales dirixentes nel entamu la so andadura, Ignacio Blanco, siéntase güei na Xunta Xeneral como voceru de Vox ya’l so espresidente, Daniel Rodríguez Asensio, trabaya na campaña elleutoral d’Ayuso.

This work is licensed under a Creative Commons Attribution 4.0 International License.