Maxi Areñes anuncia’l so nuevu trabayu “En Sirio vais descubrir un doble discu nel que mitoloxía y astronomía faense ún”
Va tres díes cumpliéronse tres años desque anunciábemos el conciertu presentación de Nordés, el primer trabayu del prolíficu grupu piloñés Fontoria. Nel 2020 espublizaben El máxicu viaxe de fiona de Morlay. Agora, seique’l so nuevu discu nun tará a la venta dica la seronda, ya pue sentise l’ estractu del primer de los dos discos que componen Sirio.
El discu 1, al que pertenez esti la presentación, ye una obra estrumental con una duración de 71 menutos.
El discu 2, tendrá una duración de 50 menutos. Sirius cuenta cola collaboración de conocíos artistes, comu la soprano
Susana Gudín (Taranus), el traveseru malagueñu Iván Emo-Martínez o’l multi-estrumentista Pablo Canalís: (Senogul/ Otus Scops). El trabayu, con una curiaisima presentación visual, lleva’l nome del perru d’Orión, Sirio, la estrella que más relluma nel cielu nocturnu, na constelación Canis Maior.
Redaición InfoAsturies
This work is licensed under a Creative Commons Attribution 4.0 International License.
