La figura del presidente del Conseyu Soberanu d’Asturies y Llión nunca foi debidamente reconocía poles istituciones asturianes, incumpliendo lo esplicitamente recoyío nel Art. 18.3 de la Llei de Memoria Democrática asturiana
Belarmino Tomás foi’l presidente de los gobiernos asturianos mientres el periodu republicanu y de resistencia frente al golpe franquista, siendo un de los principales protagonistes de la revolución d’Ochobre del 34, declarando la independencia respecto al gobiernu d’España y arriesgando hasta la vida por defender una Asturies Llibre, poniendo nes manos de los asturianos el so futuru al ponese al frente del Conseyu Soberanu d’Asturies y Llión. Foi tamién l’interlocutor que qu’axustó col exércitu de la República Española una rindición apautada que llueu los españoles traicionaríen, protagonizando una represión sanguina y selvaxe.
La so entrega a la causa del pueblu asturianu nun foi nunca debidamente reconocía poles istituciones asturianes, costituyendo esto de fechu una illegalidá, al esistir na Llei de Memoria democrática un artículu nel qu’específicamente se preve que “los miembros del Conseyu Interprovincial d’Asturies y Llión y del Conseyu Soberanu d’Asturies y Llión tengan la mesma reconocencia y tratu istitucional que los miembros de los gobiernos asturianos surdíos tres l’aprobación del Estatutu d’Autonomía”.
A día de güei nun consta que’l gobiernu de Asturies fixere res pa dar cumplimientu a esti preceptu llegal. Agora que’l gobiernu asturianu decidió dar nome de dellos espacios del edificiu de Presidencia del Gobiernu a Pedro de Silva y a los 3 presidentes autonómicos finaos -responsables, per otra parte, del llaceriosu estáu nel que s’atopa Asturies anguañu- dende FAMYR proponen que se dea’l nome de dalgún espaciu de dichu edificiu a Belarmino Tomás.
Dende Famyr van dirixise al Presidente de Asturies Adrián Barbon pa que tome les midíes necesaries nesi sen.
La so entrega a la causa del pueblu asturianu nun foi nunca debidamente reconocía poles istituciones asturianes, costituyendo esto de fechu una illegalidá, al esistir na Llei de Memoria democrática un artículu nel qu’específicamente se preve que “los miembros del Conseyu Interprovincial d’Asturies y Llión y del Conseyu Soberanu d’Asturies y Llión tengan la mesma reconocencia y tratu istitucional que los miembros de los gobiernos asturianos surdíos tres l’aprobación del Estatutu d’Autonomía”.
A día de güei nun consta que’l gobiernu de Asturies fixere res pa dar cumplimientu a esti preceptu llegal. Agora que’l gobiernu asturianu decidió dar nome de dellos espacios del edificiu de Presidencia del Gobiernu a Pedro de Silva y a los 3 presidentes autonómicos finaos -responsables, per otra parte, del llaceriosu estáu nel que s’atopa Asturies anguañu- dende FAMYR proponen que se dea’l nome de dalgún espaciu de dichu edificiu a Belarmino Tomás.
Dende Famyr van dirixise al Presidente de Asturies Adrián Barbon pa que tome les midíes necesaries nesi sen.
Nuria Prendes
![](https://www.infoasturies.com/wp-content/uploads/2020/01/banner-INFOASTURIES.jpg)
This work is licensed under a Creative Commons Attribution 4.0 International License.