Por primer vegá el Ministeriu de Cultura del Gobiernu d’España inclui l’asturianu pente les llingües nes qu’edita’l so cartelu del Día del Llibru
Güei ye 23 d’Abril, día dedicáu a los llibros y como ye vezu, el Ministeriu de Cultura del Gobiernu español espubliza un cartelu commemorativu en toles llingües oficiales del Estáu. Nesta edición y por primer vegá, fízose pública tamién la versión n’asturianu.
El cartelu, dedicáu a Francisco Brines -Premiu Cervantes de Poesía 2020- inclui un poema d’elli, que nun se torna a les estremaes llingües sinón que se caltién n’aquella na que foi escritu. Sicasí, tanto’l títulu del cartelu comu les anotaciones feches nelli tornáronse a toles llingües oficiales del estáu y al asturianu.
Per otru lláu, el marcapáxines istitucional de la Conseyería de Cultura homenaxa al escritor polacu Adam Zagajeswki cola cita: “Nes cais y aveníes de la mio ciudá / en silenciu y con fervor trabaya la escuridá. / La poesía ye busca de resplandor”.
Redaición InfoAsturies
This work is licensed under a Creative Commons Attribution 4.0 International License.
