Nel 2020 el preciu de la vivienda n’alquiler n’Asturies careció un incrementu añal del 7’8%, allugándose nos 7’86 € por metru cuadráu al mes

Considerando los datos qu’indiquen que l’asturianu mediu tien un salariu brutu que ronda los 1.900 €, estos tendríen que dedicar el 32% del so sueldu al pagu del alquiler de la vivienda, acordies l’estudiu “Relación de salarios y vivienda n’alquiler 2020”. Pa la realización d’esti estudiu tiénense’n cuenta los precios medios de la vivienda n’alquiler del Índiz Inmobiliariu Fotocasa y los sueldos medios de les ufiertes d’InfoJobs.

El xorrecimientu del preciu nel caberu añu foi de dos puntos, algamando los cuasi ocho euros por metru cuadráu mensuales. Ello implica alrodiu de 550€ d’alquiler pa una casa de 70 metros cuadraos.

Agora bien, les pensiones de vilbedá ronden los 400 € y los perceutores del IMV oscilen pente los 462 y los 1015 € mensuales, en función del númberu de convivientes, lo que lleva a la evidencia de que nin muchos pensionistes nin la mayoría de los perceutores del IMV pueden aceder a un alquiler, nin siquier dedicando a ello el 120% de los sos ingresos.

Llucía F. Marqués

This work is licensed under a Creative Commons Attribution 4.0 International License.