“¡BUM!” ye un trabayu conxuntu de la escritora Susana Sela y la illustradora Maitextu Isla
Esti sábadu tendrá llugar na Casa Cultura de L’Infiestu, en Piloña, la presentación de “¡BUM!”, el primeru d’una riestra de llibros pa la reciella que narren les aventures d’un neñu piloñés, nomau Maximín, que cuerre milenta aventures pente dos mundios, el suyu y el de la nuesa mitoloxía.
La saga, de la que ya ta’n camín el segundu llibru, ye obra de la escritora Susana Sela y cuenta coles illustraciones de Maitetxu Isla. Les dos tarán na presentación, que sedrá a les siete la tardi, xunto col escritor Quique Carballeira.
El llibru ta editau pola editorial Nenyuri n’asturianu y castellán y mui prontu vais atopalu tamién n’inglés, catalá, galego y euskera.
Redaición InfoAsturies
This work is licensed under a Creative Commons Attribution 4.0 International License.
