Conciertu-presentación de “Sombres sobre la yerba”, caberu discu de Lafu y Rebeca, que lleva’l nome del canciu que ganó l’IX Premiu al Meyor Cantar
L’álbum, que se va presentar esti sábadu 4 de setiembre en La Plaza de la Habana, en Posada de Llanera, ye una escoyeta de cantares inéditos d’Alejandro Lafuente, Lafu, a la guitarra, cola voz de Rebeca Velasco, acompañaos por Oscar Santos al baxu y Wilón de Calle a la batería.
Na Plaza de la Habana hai un aforu llindáu a 50 places nestos tiempos de pandemia, polo que s’encamienta acutar entrada, que ye de baldre. De xacíu, van siguise toles midíes de prevención Covid, como son la obligación de llevar puestu mázcaru, la llimpieza con xel hidroalcohólico, separación interpersonal, ocupación de les llocalidaes nos asientos y entrada y salida controlao pa torgar aglomeraciones. A la entrada tomaránse los datos de tolos asistentes, que van poder entrar hasta completar les places, polo que se ruega asistir minutos anantes del conciertu pa poder entamar col horariu previstu, ello ye, de magar les 20:00.
Redaición InfoAsturies
This work is licensed under a Creative Commons Attribution 4.0 International License.
