Casualmente al die viniente de la negativa por parte de CSI, los sos llocales carecieron un “acidente” nel que se cortó el so cable de conesión d’interné
En marzu d’esti añu un grupu de neonazis estrozaron con pintura los murales del esterior de la Casa Sindical, lo que tuvo comu reación de los coleutivos ocupantes de la misma de repintala darréu con nueos murales vindicativos, más llamativos y críticos entá de los anteriores.
Pente esos murales, un d’ellos alude a la situación de Vauste col testu “CCOO, UGT, USO y NMR fondo buitre desmantelan Vauste. La dignidad no tiene precio”, falando de los que lluchen contra la lliquidación d’esta empresa y señalando a los que roblen los dispidos de los sos compañeros de trabayu.
Esta pintada ofendió a dalgunos de los aludios na mesma y la selmana pasada el secretariu comarcal de CCOO solicitó un aconceyamientu col secretariu xeneral de la CSI, trabayaor de Vauste, na que’l directivu de CCOO manifestó el so deseyu de que se retirasen les sigles de CCOO del mural.
Ante la negativa d’eliminar l’alusión a Comisiones de la pintada, el direutivu dexó cayer l’avisu de que taba conteniendo a dalgunos que queríen tomar “midies direutes”.
Dende la CSI consideren cuantu menos sospechoso que xusto al díe viniente “casualmente” el cable que yos lleva l’internet nel so llocal -y solo el suyu d’ente los que aporten a la Casa Sindical- apaeciere cortáu a costafecha.
Nes sos declaraciones esclarien que “Si fuéremos mal pensaos, podríemos deducir que la burocracia sindical recuperó esta práutica hestórica del movimientu obreru (el sabotaxe) pero, por la falta de vezy, escaeciéronse que aveza utilizase contra la patronal abusiva, los esquiroles y los sindicalistas vend eobreros. Afortunadamente, sólo ye una casualidá. Pero dexámosla equí recoyía pal casu de que se den más casualidaes d’esta triba pola nuesa negativa a callar ante la complicidá activa d’estos aparatos sindicales nel despidu de los compañeros de Vauste y nel preslle de la empresa”.
Llucía F. Marqués
This work is licensed under a Creative Commons Attribution 4.0 International License.
