Nun foi l’enfotu municipal de protexer la cultura y esportes tradicionales lo que permitió reabrir la bolera, sinón la donación d’un lliones con raigaños asturianos

La bolera de Nocéu fore costruyía n’andecha polos vecinos del pueblu na década los ochenta del sieglu pasáu, pero col tiempu y tres d’un par de décades d’esplendor foi abandonándose, llevando agora 25 años ensin usu.

Va pocu la donación de tres mil euros por parte d’un empresariu, actualmente afincáu en Llión, permitió la so recuperación y gracies tamién al enfotu de los vecinos d’esti pueblu riosellanu, retomó la so actividá, cellebrándose esti fin de selmana el primer tornéu de bolos del sieglu, nel que participaron delles peñes bolístiques asturianes.

Redaición InfoAsturies