Taquilles presllaes, frecuencies insuficientes, convenios y alcuerdos incumplíos, viaxeros descontentos y trabayadores na cai. ALSA enllargó depués del confinamientu’l ERTE a parte de la so plantiya y prescindió del serviciu de vienta directa nes estaciones, too ello pesia recibir 2,6 millones d’euros mientres l’estáu d’alarma
Trabayadores del grupu ALSA nes sos estremaes empreses, Ebrobus, Tranvía d’Avilés y Automóviles Luarca, vienen de convocar una nueva fuelga en toles empreses pertenecientes a esti Grupu empresarial, pa los díes 30 setiembre y 1, 4, 5, 7, 8 y 11 d’ochobre d’esti añu; En casu de nun resolvese’l conflictu, la fuelga pasará a ser indefinida’l 13 d’ochobre
Previamente a tomar la decisión de convocar esta drástica fuelga, los trabayadores convocaron a dellos conceyu al Grupu Alsa, col enfotu d’alcontrar solución a los graves problemes qu’afeuten a toles empreses del Grupu, ensin que representantes de la empresa se presentarem a dengún d’estos conceyos.
Ante esta falta de voluntá de llegar a dengún tipu d’alcuerdu, los y les trabayadores decidieron convocar una fuelga de siete díes qu’entamará’l prósimu xueves trenta d’ochobre y continuará en díes salteaos, l’un de payares, el cuatro, el cinco, el siete, l’ochu ya’l once. Casu de nun avanzar nesi tiempu nes sos revindicaciones, menacien con entamar una fuelga indefinida.
Denuncien que la salú llaboral nel taller de Xixón ye precaria y la subcontratación esterna descomanada. Los alcuerdos algamaos nel SASEC (Serviciu Asturianu de Solución Estraxudicial de Conflictos), na desconvocatoria de fuelga, ya nel añu 2014 siguen incumpliéndose, neto que’l conveniu robláu.No que cinca a les sos condiciones llaborales, desixen, pente otres cuestiones, l’apertura de les taquilles, puntos de venta y despachos de facturación de Xixón, Uviéu y Avilés, la suspensión de los ERTES en toles empreses del Grupu Alsa n’Asturies, la restitución de les condiciones de trabayu relatives a cuadrantes, descansos, vacaciones de taquilleros, taquilleres y factores ya un aumentu de les hores de contratu de la trabayadora de taquilles de la empresa SEPRISA (Servicios del Principáu S.A.).
La retirada de les denuncies presentaes pola empresa ALSA escontra varios trabayadores, como consecuencia de la fuelga anterior y la revocación de los despidos, declaraos improcedentes polos tribunales de xusticia, que tuvieron llugar nel Grupu Alsa, son otres dos cuestiones irrenunciables pa los emplegaos del grupu, que tienen nidio que nun van consentir que la represión ante les movilizaciones yos impida reclamar los sos drechos.
El grupo ALSA, que en 2019 ganó 119 millones de euros, pidió durante el confinamiento más ayudas públicas al Estado para compensar sus pérdidas mientras durase el estado de alarma, recibiendo 2,6 millones de euros del Principado durante el estado de alarma,
Llucía F. Marqués
This work is licensed under a Creative Commons Attribution 4.0 International License.
