N’Asturies llevamos una selmana recibiendo información puntual y continua sobro’l desendolcu de los Premios Princesa, con especial énfasis nes permunches vistimentes de les monarques y nes acertaísimes frases d’una guah.a malcriada que s’atreve a afalar a la mocedá asturiana “a salir a estudiar a otros países, comu fae ella“, inorante, albidramos, de que lo que nos cuesta el so internáu al mes ye más de lo que tienen pa vivir families enteres una bona temporada.

Estos Premios, colos que la monarquía española s’enfota en facer un -inutil-intentu de llavar su imaxen, entamaos por una fundación corrupta -el patronatu de la Fundación Princesa-, onde tan les grandes fortunes d’España y dalgunos de los más direutos responsables de la crisis económica que carecemos, tienen una cancionina de fondu: la descomanada emportancia d’estos premios cara’l públicu internacional, comparándoseyos d’avezu colos Nobel y aporfiando en que tornen Asturies na “Capital cultural del Mundu” “volviendo los güeyos del planeta enteru hacia Asturies, poniéndomos nel mapa”.

Bien, señores, ehí ta’l mapa. Prauticamente’l 100% de les búsquedes en Google feches dende España. Trés consultes dende Venezuela, dos de Bélxica, una en Suiza ya una en Colombia. Acabóse.

El restu, alucinación coleutiva, manipulación mediática y tonelaes d’indiferencia inetrnacional pa unos premios d’una irrelevancia mediática absoluta.

Cómu puntu interesante de comparación, na gráfica de la zorga del mapa vemos en collorao les guetes feches n’interné sobre los Premios Principiegos, comparaos coles de la mesma temporada sobre’l Real Uviéu, un equipu en segunda división, n’azul.