Los investigadores de la Ária de Nutrición Pación y Forraxes  del SERIDA espublizaron un artículu na revista Animals MDPI con afayos interesantes en relación cola composición del purín de les vaques y les emisiones dañibles pal mediambiente
El ganao llechero ye una importante fonte d’amoniacu, yá qu’usa namás pente’l 25 y el 35% del nitróxenu de la dieta pa la síntesis del llechi, escretándose’l restu al traviés del cuchu ya’l mexu, mayormente en forma d’amoniacu, col riesgu qu’esto implica pal mediu ambiente.
L’amenorgamientu del nitróxenu de la dieta ye una forma eficaz de menguar les escreciones de nitróxenu y les subsiguientes emisiones d’amoniacu. Sicasí, ye importante qu’esto un xenere un amenorgamientu nel rendimientu potencial de les vaques tocante a producción llechera.
Col envís principal d’ameyorar la calidá del purín que se va utilizar como fertilizante orgánicu, los investigadores del SERIDA llevaron a cabu dos esperimentos secuenciales. Nel primeru, pretendíen determinar el nivel óptimu d’inxesta de nitróxenu dietéticu necesariu pa les vaques llecheres d’alta producción. Una vegada afitáu esti nivel, evaluáronse dos ensilaxes de lleguminoses con estremaes tases de proteólisis.
Comu conclusión, les vaques llecheres que producen más de 30 kg de lleche al día pueden cubrir les sos necesidaes con dietes con solo’l 13% de proteína, amenorgando les perdes de nitróxenu al traviés de la orina ensin afeutar al rendimientu llecheru pa con ello, menguando la escreción de nitróxenu, sobremanera pola orina. Amás, identificáronse les fontes de proteínes más afayadices pa que s’esvie la escreción del escedente de nitróxenu escontra les fieces, en llugar d’escontra la orina, menguando les emisiones d’amoniacu a l’atmósfera.

Seique tamién se pueden aplicar les conclusiones d’esta investigación a les ganaderíes asturianes, el calter y tamañu de les mesmes fae que’l so pelligru ambiental seya mínimu en comparanza col de les macrogranxes, nes que l’aplicación d’estes recomendaciones podríen amenorgar bultablemente les sos descomanaes emisiones d’amoniacu.