Los datos contrasten cola evolución estatal, yá que mientres n’Asturies el desemplegu xorrecía un unu per cientu, n’España baxaba’l 2’3%

El mes de payares  remató con una media de 368.636 cotizantes a la Seguridá Social y 66.403 persones en paru, lo qu’implica qu’Asturies sumó 647 persones más nel desemplegu.

El paru xubió n’Asturies en tolos sectores y sobremanera ente los homes, con un xorrecimientu más intensu ente la mocedá.

Tocantes a prestaciones por desemplegu, baxa la cobertoria y la mayoría  de quien la reciben (17.837)  sobreviven con 452 euros mensuales.

L’únicu puntu positivu ye comparando col añu 2020, de fechu robláronse más contratos que nunca pa un mes de payares ya’l 14,2% fueron indefiníos,

La temporalidá sigue siendo con muncho la forma prefería de contratación, mesmo emplegando mecanismos fraudulentos, pesi a que’l Plan de Choque contra la Contratación Temporal, llogró nesti últimu mes la conversión de 2.703 contratos temporales n’indefiníos, demostrando la efectividá de la campaña de llucha contra’l fraude.

Llucía F. Marqués

This work is licensed under a Creative Commons Attribution 4.0 International License.