Les altísimes tases de paru de llarga duración lleven a  que 32.390 de los asturianos iscritos nes oficines del Serviciu Públicu de Emplegu Estatal (Sepe) nun cobren “el paro”, frente a otros 32.408 que perciben prestaciones. Otra de les causes de que nun se llegue a cobrar estes prestaciones ye’l fechu de que la temporalidá de los contratos, el vezu de contratar por menos hores de les que vraeramente se trabayen y  l’espoxigue del trabayu en prieto faen abegoso qu’un trabayaor o trabayaora seya quien a cotizar abondo, ello ye, un mínimu de 360 díes nos 6 años anteriores-

De los 32.408 que perciben prestación, más de la metá -18.157- sobrevive colos 452 euros al mes de los subsidios o la renta activa d’inserción, cantidá que malapenes algama p’aceder a una vivienda.

Quienes más difícil tienen l’acesu a un puestu de trabayu son los mayores de 45 años, estaya que representa’l el 56,5% del total de los paraos, 36.613 persones, acordies los datos apurríos na cabera   estadística del Ministeriu de Trabayu, siguios de los paraos d’ente 25 y 44 años. Un altu porcentaxe de les persones que nun tienen trabayu perbaxo esti grupu d’edá nun contabilicen nes llistes del SEPEPA por tar estudiando. Tamién les muyeres siguen teniéndolo más complicao que los homes, siendo cuasi diez mil muyeres más les qu’engrosen les llistes del paru. Amás, les que trabayen ocupen mayoritariamente trabayos de baxu perfil, comu’l seutor curiaos o servicios, los más precarios, careciendo tamien una mayor tasa de temporalidá y parcialidá.

Xicu Llamazares