Los estudiantes de la Escuela d’Hostelería de Xixón afirmen que la profesora de l’asignatura de Panadería nun ta capacitada pa impartir formación

Les últimes selmanes los escolinos del Centru Integráu de Formación Profesional d’Hostelería y Turismu de Xixón protagonizaron acciones de protesta denunciando’l deficiente llabor d’una docente interina qu’imparte l’asignatura de Panadería nel ciclu formativu  de grau mediu de Panadería, Repostería y Confitería. Esta selmana decidieron nun entrar na so clase, permaneciendo nos pasiellos mientres la hora correspondiente a l’asignatura, énte lo qu’ella respondió menaciando con un suspensu xeneral.

Les quexes, que yá entamaren mientres el primer trimestre, centrense nel so nivel de competencia. Los alumnos afirmen que lleven cuatro meses d’aprendizaxe perdíos y piden la so destitución. Arriendes d’esa denuncia la Conseyería d’Educación ta analizando’l so nivel de competencia pedagóxica.  El Serviciu d’Inspección Educativa tamién lleva un tiempu empobinando a la docente nel so desempeñu profesional, ensin qu’hasta’l momentu constatárase nengún ameyoramientu nes sos clases nin na so relación colos alumnos.

Llucía F. Marqués