El doble discu de Fontoria esgotóse malpenes salió a la venta, pero ya ta en marcha una segunda edición del mesmu
El trabayu del prolíficu grupu Piloñés punxérase a la venta’l martes día ún de Febreru y a les 18:00 hrs del miércoles día dos nun quedaben copies a la venta.
Sirio, que lleva’l nome del perru d’Orión, la estrella que más relluma nel cielu nocturnu, aporta daqué más de tres años depués de Nordés, discu presentación de Fontoria, al que siguió El máxicu viaxe de fiona de Morlay nel 2020. Esti ye un doble discu, allonxáu d’etiquetes, nel que conviven l’esperimentación cola música de raigaños, xunto col folk más “clásicu”; na so produción cuenta cola participación d’un emportante garrapiellu de músicos de la escena asturiana y collaboraciones de fuera d’Asturies.
La segunda edición del discu ya ta en marcha y por si tornen a esgotase, pueden reservase nel mail fontoriafolk@gmail.com o na so páxina web.
Redaición InfoAsturies
This work is licensed under a Creative Commons Attribution 4.0 International License.
