Un tracamundiu de nome, una xira por Beirut y munches alcordances dan forma al cómic ganador del premiu “Alfonso Iglesias” 2019, el terceru consecutivu que gana Ruma Barberu, integrante del grupu de Folk Felpeyu que protagoniza la historieta

L’editorial Impronta vien d’espublizar la cabera obra de Ruma Barberu “Seltegu”, una historieta autobiográfica sobro la xira de Felpeyu pel Llíbanu’n 2005
Al traviés de les sos viñetes Ruma llévanos al traviés del viaxe que los llevó de xira pol Llíbano, contrataos pola embaxada española, pal festival que celebraba los 15 años de paz dende’l fin de la so guerra civil, la «Fête de la musique», suspendíaa por un atentáu qu’acabó cola vida del ex-lider del Partíu Comunista del Llíbanu George Hawi. Felpeyu empecipia entós una xira peles zones del país qu’entá nun tán controlaes pol exércitu, dando a Ruma material pa reflexar la situación sociopolítica d’un país afaráu pola violencia, adobao pol humor non exentu del toque repunante de los asturianos.

El nome del cómic, Seltegu, deriva del erru del taxista que los recoyó nel aeropuertu, y si la historieta empecipia con una anécdota, termina con un alcuentru con mensaxe… pero tenemos prohibíu cuntalu, hai que lleela nel cómic.

Redaición InfoAsturies