El pasáu 30 d’avientu 4 emplegaes recibieron el so despidu fulminante al traviés d’un burofax, aprofitando in extremis les caberes hores anantes de l’aprebación de la endexe reforma llaboral roblada pol mesmu partíu que les despidía. Dientro les escases meyores qu’implica esta reforma ta l’afalar a la fin del contratu por obra y serviciu -comu el qu’elles teníen- y la so tresformación n’indefinios pa frenar la precariedá llaboral. Ello ye, dientro’l nuevu marcu llaboral, presumíu comu un llogru social por Ps, nun sedría posible despidiles comu ellos mesmos ficieron.

Les perxudicaes destaquen la contradición qu’implica esti comportamientu por parte d’un partíu que s’anuncia comu garante de los drechos sociales y llaborales, con práutiques que vulneren seriamente los drechos fundamentales. Pente los fechos denunciaos, práutiques que vulneren la llibertá sindical o la igualdá de xéneru. Denuncien que tan careciendo situaciones que “nun lleven a cabu nin la peor patronal”.  Tres d’intentar negociar col partíu, en baldre, llegando a manifestase coles mesmes pancartes que Podemos utiliza nes sos protestes contra empreses, les despidies deciden agora llevar el casu pela vía xudicial.

Nuria Prendes

This work is licensed under a Creative Commons Attribution 4.0 International License.