256 de los 410 millones asignaos a Asturies tan ya na tesorería del “Principado”, pero fasta agora namás 49’46 tan dedicaos a proyeutos en marcha o sovenciones abiertes

Asturies tien asignaos 410,3 millones d’euros de los fondos europeos pa fortalecer la so economía tres la transición enerxética, sofitar la movilidá caltenible, tresformar el sistema de servicios sociales, algamar la conectividá dixital, meyorar el sistema educativu y la competitividá turística, un abanicu ambiciosu que bien lleváu podría sacar a Asturies de décades de desaniciu social ya económicu.

Sicasí, fasta agora d’esos 410,3 millones namás 49,46 tan dedicaos a proyeutos ya en marcha o a sovenciones abiertes, ya’l plazu pa invertir l’88% restante ye l’añu que vien. Tan dedicaos a enerxíes renovables aplicaes a empreses -14`5 millones-  l’alquisición de vehículos llétricos -8’6 millones d’euros- contratación de mocedá -5’1-, emprendimientu -5- y sovenciones a la formación de desemplegaos  –2,3–, la contratación de jóvenes –5,1– y el emprendimiento –5–.

Otros 160 millones tan “asignaos” a proyeutos qu’entá nun entamaron a desendolcase, destacando los 73`7 millones d’euros destinaos a iguar la estroza de les mines a cielu abiertu en Tineu, Degaña ya Ibias y los 63’6 reservaos pal  “plan de choque de la economía de curiaos”. Sicasí, más de la metá de los fondos nun tienen siquier destín conocíu, siendo delles les grandes empreses privaes qu’aguarden la oportunidá de facese con estos fondos públicos, comu ye’l casu d’Arcelor ya’l llamáu hidróxenu verdi.

Xicu Llamazares

This work is licensed under a Creative Commons Attribution 4.0 International License.