Va namás mes y mediu que los asturianos veíemos con congoxa comu s’esbardiaba la meyor oportunidá en décades d’algamar el drechu fundamental de la reconocencia de la propia llingua. La falta d’alcuerdu -y d’enfotu- escudóse n’argumentos sociales y n’aquel intre -insisto, mes y mediu- dende IU declararon que nun podíen aceder a pautar con Foro les sos condiciones porque, por principios, los impuestos nun se toquen nunca. Nunca.

Nes sos caberes declaraciones, feches nel marcu l’alderique sobro la creación d’un posible fondu de rescate na crísis enerxética, Ángela Vallina, d’IU, declara: “Ye’l momentu d’algamar un pautu fiscal nacional y autonómicu”. Ello ye, ye’l momentu de ponese a negociar lo que por principios yera innegociable.

O “nunca” nun significa lo mesmo pa ellos que pa min o tienen un ciertu gráu d’esquizofrenia, pero daqué nun cuadra.