Conceyu País Llionés: “El pueblu que llucha polos sos drechos merez la llibertá. Los drechos conquístense, llúchense, nun te los regalen; poro, hai que desixilos die si, die tamién”
Conceyu País Llionés convoca pa esti 23 d’abril una Xornada de Lluita peles casi de la hestórica ciudá de Llión, revindicando la so independencia de Castiella
Los caberos 39 años formando llegal y alministrativamente parte de la Comunidá de Castiella y Llión llevó al pueblu llionés, según declaraciones de Conceyu, “a la ruina económica, social, sanitaria, poblacional ya identitaria”. L’ésitu de VOX nes recientes elleiciones foi la pingarata definitiva pa qu’esta organización, sofitada por otres diez de calter independentista y/o cultural, decidiere dar un pasu más y llevar la revindicación a la cai.
Desde Conceyu apuesten pola xunión de fuercies na plataforma trasversal pro autonomía llionesa, onde tou partíu, asociación o persona converxan cara a unes elleiciones xenerales pa tener representación nel parllamentu del Estáu español.
La concentración entamará a les once la mañana frente a Botines y Diputación, saliendo a les 11:30 camín de la catedral acompangaos de gaites y dulzaines.
Redaición InfoAsturies
This work is licensed under a Creative Commons Attribution 4.0 International License.
