La sidra ganadora, a escoyer pente les siete finalistes, va ser la oficial de la XII Primer Sidre L’Añu, y la final va tener llugar, tamién na Sidrería La Montera Picona, a partir de les 18:00 h, y va tar abierta al públicu, que va tener depués la oportunidá de probales
La IX edición de la Meyor Primer Sidre L’Añu, entamada pola revista LA SIDRA y la Fundación Asturies XXI, va escoyer la que va ser la sidra oficial de la XII Primer Sidre L’Añu, el festival que inagura la temporada sidrera con una espicha na que pueden probase, por solo los 7 euros de la entrada, la sidra nuevo de decenes de llagares.
Como vien siendo habitual, la sidrería La Montera Picona de Ramón va ser el llugar escoyíu pa decidir ente les siete sidres que llegaron a la final. Anque nun principiu teníen de ser solu cinco les finalistes, la peralta calidá de les sidres presentaes presentaes enzancó’l llabor del xuráu y finalmente clasificáronse pa la final los siete llagares que vienen de siguío (por orde alfabéticu, non de clasificación): Alonso, Acebal, Buznego, Cabueñes, Cortina, J. Tomás y Roza.
Redaición InfoAsturies
This work is licensed under a Creative Commons Attribution 4.0 International License.
