La fastera más reconocíamente revindicativa y lluchaora d’Asturies foi la más duramente castigada pola perda d’emplegu  y poro, pol despoblamientu

Pallabres comu reconversión o descarbonización escondieron en falacies y eufemismos lo que nun yera sinón el desaniciu xabaz de los diez conceyos asturianos dedicaos a la minería. Les promeses d’emplegos alternativos foron al sabor de la boca y los Fondos Mineros partiéronse gayasperamente pente la mafia clientelar que con tantu enfotu amasó’l PSOE demientres décades. Les descomanaes prexubilaciones mercaron l’enfotu d’unos mineros fartucos de lluchar, que nun queríen, decíen, esi futuru pa los sos fios. El resultáu, unos valles mineros coles mines presllaes, ensin industria alternativa nin perspeutives de futuru, xeriátricos descomanaos nos que la mocedá tien qu’escoyer pente colar, malvivir o dedicáse al únicu negociu llucrativu anguañu nos núcleos más grandes de les Cuenques: el tráficu de drogues.