El proyeutu “La Caleyuca” recueye fondos pa reacondicionar un chigre-tienda tradicional col envís de  qu’una familia o pareya trabaye allí y s’asiente en La Güeria, recuperando esti elementu de la cultura tradicional, dando vida al pueblu y un puntu de venta a los artesanos de la zona

Los chigres tienda son una figura tradicional de los pueblos asturianos, güei en víes de desapaición -los chigres y los pueblos-. Nellos mercábase, xugábase a les cartes, bebíase, socializábase… auténticos centros sociales, los chigres-tienda daben vida al die ente díe de los pueblos. En La Güeria d’Urbiés el caberu chigre preslló va ocho años.

La Caleyuca tien un duple envís, per un lláu quier recuperar pa La Güeria esti puntu d’alcuentru y per otru atrayer xente mozo, dando la oportunidá a una familia o pareya pa que s’asiente en pueblu. La casa onde s’allugará’l chigre ya cumplió esa función hai tiempu y agora ta siendo acondicionada, col chigre abaxo y la vivienda enriba, cola idega d’alquilase en conxuntu por un pequeñu alquiler.

Una bones completaes les obres, La Caleyuca sedrá un espaciu pa dar visibilidá a los artesanos y productores llocales, un llugar onde esfutar de la comida asturiana y sobre tou, un espaciu onde caltener la cultura tradicional asturiana y l’encuentru social, tanto de los vecinos comu de visitantes.

El proyectu cuenta col sofitu d’empreses asturianes y llocales, comu Embutios Alto Urbies, Agua de Somiedo, Andrea Luna, o Pitasana y tamién d’artesanos como Mondo Manzana, Woodic o  Botambi. Son ellos los que fasta agora tan faciendo la mayoría les aportaciones desinteresaes pa financiar la igua del establecimientu, pero entá falten fondos, qu’esperen conseguir al traviés d’un crowfounding al que podeis aceder nesti enllaz; ya sabeis, too suma. Colo que se recalde finaránse les obres y mercaránse dalgunos elleutrodomésticos pa poder entamar col negociu. la Idega ye poder entamar anantes del branu.

Tolos que s’animen a echar un gabitu recibirán una prestosa recompensa qu’animen a dir a recoyer na mesma Caleyuca, pa conocer esti prestosu pueblu, pero que si ye preciso mandarán por corréu.

Alberto Rodríguez