El Conceyu Mieres nun atendió a denguna de les allegaciones presentaes por cientos de particulares y 21 asociaciones de vecinos que nun quieren compartir el so espaciu cola quema de residuos

Les allegaciones presentaes insisten nel pelligru que supón amburar residuos na térmica, neto que lo denunciao polos vecinos de Xixón, Llanera y Corvera cola incineraora de Serín, que se desplaza agora a MIeres.

La nueva autorización permite convertir la térmica d’Hunosa nuna incineraora de residuos, pal so usu comu combustible, pesi a la oposición de los vecinos. El combustible sólidu recuperáu (CSR) nun ye más que los residuos clasificaos y secaos, siendo la so combustión  tan peligrosa como lo yera anantes de separtalos.

Dende la Coordinadora Ecoloxista alvierten de que’l que s’amburen estos residuos, lo que dende’l “Principado” llaman valorización, ye mui peligroso pa la salú ya’l mediu ambiente poles sos emisiones atmosfériques y d’efluentes llíquidos producios nel sistema de purificación de gases, ya incluso la xeneración de residuis sólidos secundarios comu povisa ya escoria, lliberando a la atmósfera gases tósicos como diosines, furanos, mercuriu y bifenilos policlordos.

Hay que recordar qu’Asturiaes vien presentando de los peores datos de calidad del aire d’Europa en partícules y bencenu, unos contaminantes que van xenerase en Mieres.

Redaición InfoAsturies

This work is licensed under a Creative Commons Attribution 4.0 International License.