Andecha Astur tornó a revindicar el Conseyu Soberanu d’Asturies y Llión comu referente hestóricu d’una Asturies llibre y comu modelu de xunidá a siguir, especialmente’n momentos de crisis
Trincheres na cume del Filispardi
La xornada entamó con una visita a les trincheres del “Parapetu”, una impresionante obra na que los guerrilleros asturianos escavaron na roca vivo les trincheres dende onde defendieron les sos posiciones asturianes ante l’avance de les tropes facistes españoles, italianes y alemanes.
i
Visita a la casamata
Aquellos que nun subieron a la cume visitaron les casamates del Puertu Tarna, otra ablucante costrución que fae reflesionar sobro’l descomanáu enfotu puestu na defensa les llendes del país.
Ya nel monolitu que rinde homenaxe a los heroes de Tarna tuvo llugar l’actu d’homenaxe nel que Mariano Suárez, en nome d’Andecha Astur, revindicó una vegada más la importancia del Conseyu Soberanu d’Asturies y Llión, remembrando que’l so ñacimientu foi la solución que los asturianos buscaron nun intre de fonda crisis “igual que nel 37 Andecha Astur defende que la única solución ye la mesma rempuesta que se dió n’aquellos tiempos, la costitución d’un frente ampliu asturianu d’esquierdes sobre unos puntos mínimos pa la defensa del nuesu futuru”.
Llucía F. Marqués
This work is licensed under a Creative Commons Attribution 4.0 International License.
