Los pensionistes acusen a los políticos beneficiarios de les “puertes xiratories” de ser los responsables de l’actual crisis económica y enerxética
La llista de personaxes que sienten o sentaron nos mullíos sillones de, por casu, Endesa, Naturgy o Iberdrola ye apolmonante. Felipe Gonzalez, Jose María Aznar, Elena Salgado, Luis María Atienza, Isabel Tocín… y asina fasta once ex-altos cargos del gobiernu español, partíos casi por igual pente PP y PSOE -con cierta prevalencia d’esti postreru- dirixen los conseyos d’alministración de les empreses lléutriques, daqué que garantiza que les sos corelixonarios qu’entá caltienen el so puestu gubernamental nun-yos fadien el negociu, controlando les tarifes o nacionalizando la eletricidá.
¿Les consecuencies? los pensionistes asturianos tiénenlo claro: la perda de capacidá adquisitiva de la población y la precarización de la vida. Falamos d’una xubida añal en vivienda, lletricidá y gastos acomuñaos d’un 23%, una medría na compra d’alimentos del 13,5%, que s’alza a más del 80% si falamos d’aceite de xirasol y de un 38% na farina… por poner dalgún casu.
Por tou ello, convoquen pa güei a les 18:30 a un manifestamientu que va salir del Paséu de Begoña, en Xixón.
Nuria Prendes
This work is licensed under a Creative Commons Attribution 4.0 International License.
