La placa n’honor  Belarmino Tomás, istalada por Andecha Astur nel cimenteriu onde ta enterráu, foi xabazmente estrozada. L’agraviu reparárase’l 12 d’ochobre, demientres l’actu convocáu por esta organización n’honor al Presidente del Conseyu Soberanu

Pa los nacionaliegos nun ye casual qu’ochobre seya’l mes escoyíu pol facismu español p’atacar esta placa, reconocimientu del que fore presidente de la cabera istitución democráticamente escoyía polos asturianos. “La memoria de Belarmino manca al facheríu,  Ochobre ofiéndeyos” declaren, al tiempu que dexen nidio qu’el so vandalismu nun va aparar l’homenaxe que’l doce d’ochobre, comu ca añu, fadrán nel mesmu cimenteriu; más bien a la contra, la xabazada va valir pa que se renueve la placa, añadiendo a la mesma la imaxen del presidente.

Dende Andecha Astur consideren qu’estos actos nun son más que “los llamentables esparabanes d’un españolismu fediondu y tresnocháu, que se caltién malpenes vivu pente les mentes más retrógrades y les más simplayes, alimentáu pol españolismu reinante y la permisividá xeneral ante un idegariu peligrosu y facista”.

Nuria Prendes

This work is licensed under a Creative Commons Attribution 4.0 International License.