L’spot que plantega’l primer principiu de la Xixonomía “Tou cuerpu somorguiáu nun fluyíu esperimenta un subidón que pa qué” recibe una Mención Especial nos Cannes Corporate Media & TV Awards

L’anunciu que tien comu protagonistes a los avezaos de La Rampina San Llorienzu algamaron protagonismu en Cannes. El primer spot de la campaña de Visita Xixón, Xixonomía, recibió una mención especial na final de la 13º edición de los premios Cannes Corporate Media & TV Awards. La entrega de premios cellebróse de forma telemática’l 19 d’ochobre caberu dende la ciudá balnearia francesa.

El spot sobro’l principiu primeru del Tratáu de Xixonomía ta realizáu por la axencia Etertia Marketing y Comunicación pa Visita Xixón, con guión de Julio Rodríguez, direición de Asur Fuente y produición de El Cohete Internacional.

Cadañu, los premios Cannes Corporate Media & TV premien a los meyores vídeos corporativos, spots pa promoción online, documentales y reportaxes nún de los centros más importantes de la industria del cine. Anguañu, el xuráu internacional evaluó alredor de 800 rexistros de más de 40 países. Los ganadores de la estaya na que compitió la Xixonomía fueron los trabayos presentaos por Madrid, Cascais y Valencia.

Redaición InfoAsturies

This work is licensed under a Creative Commons Attribution 4.0 International License.