Les pallabres d’Angel García contradicen mesmo la posición del so partíu

Tres d’una visita a delles ciudaes europees, l’Alcalde de Siero fizo nel plenu’l Conceyu una riestra de declaraciones falando de les bondaes de les incineraores de borrafes nos alrodios de zones habitaes, achacando al tiempu la subida de costes de la recoyía de basories a la falta d’incineraora. 

En realidá la costrución d’una incineraora tendría un coste asemeyáu al del mesmu HUCA, multiplicando’l so furrulamientu nun 400% les actuales tases. 

Esta postura contradiz al propiu PSOE, que vien manifestándose nos caberos años contra l’amburar de borrafes polos sos efeutos sobre la salú en llugares comu Madrid, Bilbao, San Sebastián, etc.

Los ecoloxistes temen que seya la intención d’Angel García l’ufrir el polígonu de Bobes p’allugar la incineraora que nun quisieron en dengún otru lláu y que tien la oposición de vecinos y ganaeros. Comu exemplu de lo dañino que puen ser estes istalaciones, la llechi catao en km. a la reonda d’una incineraora dexaría de ser afayaiza pal consumu humanu.          

Alberto Rodríguez

This work is licensed under a Creative Commons Attribution 4.0 International License.