El mundial de Qatar 2022, aparte de toles contradiciones étiques, xenerará una anomalía nel mundiu del fúbol. Los equipos cuntarán con un mes llibre nel que trabayar nes plantiyes, llesiones y demás xeres de vestuariu. La segunda división (Lliga Smartbank) pola so parte decidió que, a diferencia de la élite la competición, seguiría en pie. ¿Cual de los nuesos equipos llega meyor a estes feches?
Pel so lláu los del Pitu viven una crisis dificil d’asimilar, pero nun podemos culpar al Asturianu por ello, ya fueren 10 los non convocaos pa esti sábadu en Leganes y la llista de llesiones sigue xorreciendo p’Abelardo, de fechu el Mister tuvo de desplazase al alcuentru nel sur de Madrid cuntando namás con 13 xugaores del primer equipu y enllenando los cupos de la convocatoria con xuveniles del filial.
L’Sporting sigue na media tabla, lo que significa que la xestión del Pitu de la plantiya amuesa’l vraeru potencial d´esti equipu, qu’ indubiatiblemente colos titulares en forma pelearía no alto de la clasificación, o a lo menos saltaríen del so onceavu puestu a una pelea afecha cola historia del clú nos play off d´ascensu a la categoría reina del fúbol Español.
La derrota en Granada por 5-0 paecía marcar una tónica, sicasí sumando d’un n’un, los de la Mareona consiguieren estabilizar los resultados pa endrechar el rumbu y entamar a sumar de tres en tres nos prósimos partios.
A diferencia de los sos vecinos de la costa, la crisis de los Carbayones va más allá de lo físico, los de Cervera siguen al final de la tabla, a 4 puntos del descensu y a 8 d’entrar nos play-off. Sicasí paez que tres d’encadenar una victoria en lliga, una en copa y un empate tamién na competición lliguera, los d’Uvieu tienen más esperances puentes nel equipu azulón.
Les llesiones afeutaren tabién a los del Tartiere, pero a diferencia de los de blanco y collorao, que siguen con esta carga, n’Uvieu ya nun tienen porque s’esmolecer ya que recuperaron a tolos efectivos de la plantiya, que ya ta prepará pa esti arreón final del añu.
El Real Uviéu atópase vraeramente lloñe del oxetivu que comparten tolos equipos de la categoría de bronce, l’ascensu. El puestu diecisiete na clasificación indica que hai muncho por resolver, anque, eso si, nun da señales nin la afición nin la plantiya, de tornase nun equipu descendíu pal añu que bien, sino más bien un equipu asentau na media tabla.
Mentantu los uvieinos tomen distancia col descensu, los xixoneses tan cada vegada más lloñe de los play-off, paez de fechu, que la temporada que vien atoparemos de nuevu a los dos equipos na categoría de plata, a nun ser que los equipos de Cervera o Abelardo nos asusten.
Alberto Rodríguez
This work is licensed under a Creative Commons Attribution 4.0 International License.
