Diz l’anunciu, “Sidra El Gaitero, famosa nel mundo enteru” y va ser verdá, porque mítica sidre esplumosa vien de recibir la másima distinción nos Japan Cider Awards
Sidra El Gaitero recibe nos Japan Cider Awards la másima distinción, tres estrelles. La firma asturiana preslla con esti premiu un añu nel que les sos sidres algamaron más d’una veintena de reconocimientos en dellos países, comu España, Noruega, EE.UU. o Alemania, ente otros.
El país nipón cellebra ca añu los Japan Cider Awards, nos qu’un xuráu espertu evalúa les sidres qu’aporten dende estremaes partes del mundiu, premiando a les que consideren de mayor calidá.
El Gaitero clásica, la sidre que ñació pa que los emigrantes asturianos nun tuvieren que despidise de la so bébora favorita cuando yera imposible esportar a ultramar la sidre natural y que munchos conocimos de guahes comu “la sidre de Nadal” recibió les tres estrelles que representen la calidá másima d’un productu. Amás, El Gaitero Cidre -una sidra ellaborada a costafecha pal mercáu xaponés- algamó dos estrelles.
Alberto Rodríguez
This work is licensed under a Creative Commons Attribution 4.0 International License.
