La Federación Asturiana de Rugby nun paga. Ya nun ye que nun cobren les millonaes qu’otros esportes y otros xéneros reserven a los sos xugaores, o siquiera unes discretes dietes pol díe que pasen fuera; a les xugaores de la Federación Asturiana cóbren-yos incluso’l viaxe a los partíos.

Ye por ello que nel caberu partíu plantáronse y decidieron nun dir, reclamando con ello una atención y un respetu que sienten que se-yos está negando. La Federacion Asturiana de Rugby respuende menaciando con represalies a nivel esportivu a les xugaores por nun acudir a la cita en Santander.

Pela so parte, dende la Federación deféndense argumentando la escasez de recursos que tienen, ya que cuenten namás colos beneficios de les 1.200 llicencies que faen al añu, aparte de les escases sovenciones oficiales. El fechu ye que, acordies la información espublizada na so páxina web,  namás el 13% de los ingresos de la Federación van a parar a los equipos y esportistes, entantu qu’un 66% va destináu al “Programa de xestión alministrativa”. El restu de los 271.345,00 € de presupuestu que manexaron esti añu foi a parar a teunificación, difusión y formación (4%) y organización de competiciones (17%).

Nel Dos Santos Fernández