La Cynnig Cymraeg certification, prestixosa certificación del Comisionáu de la Llingua Galesa, reconoz asina el compromisu de la cadena de supermercaos nel espardimientu’l galés
La Cynnig Cymraeg ye’l reconocimientu oficial del Welsh Language Commissioner (Comisionáu de la Llingua Galesa) y dase a organizaciones que collaboren nel desendolcu de los ambiciosos proyeutos d’esta comisión pa la llingua galesa, que fae por afitar l’usu a llargu plazu del galés en tolos aspeutos de la vida, en toles partes de Gales.
De magar l’añu 2014 LIDL utiliza los dos idiomes (inglés y galés) na señalización de productos, pero col tiempu el billingüismu va xorreciendo, tando presente’n toles sos comunicaciones colos sos veceros, incluyendo anuncios, megafonía, etiquetáu, servicios d’atención al veceru, etiquetáu de productos llocales (alrodiu 70d’orixe galés), social media y tarxetes identificatives de los emplegaos.
Felicitamos a la empresa y afalámoslos a tomar les mesmes midies n’Asturies.
Alberto Rodríguez
This work is licensed under a Creative Commons Attribution 4.0 International License.
