Un En I.F.S. (Innovative Film Solutions) l’aición sindical, representá por una sola persona, consigue bultables meyores llaborales pa tola plantiya
I.F.S. ye una empresa de fabricación de filme plásticu pa empaquetáu flesible, con sede fiscal en Madrí y física en Llanera, onde tien la so fábrica. Los métodos empresariales d’esta compañía -comu per otru lláu aveza ocurrir- pasaben per altu llexisllación, drechos y respetu polos sos emplegaos.
La decidía actuación ya implicación personal del so únicu delegáu de personal, “Gelu”, foi lo que camudó les coses, demostrando que la movilización da los sos frutos. Entamó aconceyamientos nos que convenció a los sos compañeros de la necesidá de plantar cara a les decisiones unillaterales ya inxustes de la empresa y cuando algamó el necesariu sofitu presentó, xunto cola abogada Marta Rodil, denuncia contra les irregularidaes más rescamplantes.
Les aiciones xudiciales entamaes llevaron a la declaración de nulidá del calandariu llaboral afitáu pola patronal. Más alantre algamóse un alcuerdu cola empresa pol que s’aprebaben xubíes salariales de fasta un 13%, asina comu la recuperación del drechu a díes del libre disposición.
Redaición InfoAsturies
This work is licensed under a Creative Commons Attribution 4.0 International License.
