Los tres parques eólicos proyeutaos tarán allugaos dientro la reserva de la biosfera del Ríu Eo, afeutando a espacios naturales y a la zona d’especial proteición comunitaria

El Principado continúa cola tramitación del proyeutu d’istalación de tres parques eólicos dientro la Biosfera del ríu Eo, Oscos y Tierra de Burón, ensin siquiera retrucar a les allegaciones presentaes por vecinos y ecoloxistes.

Ello contradiz les propies declaraciones del Gobiernu na Xunta Xeneral, a traviés de los Conseyeros d’Industria, Emplegu y Promoción Económica y de Mediu Rural y Cohesión Territorial, nes qu’afirmen que s’escluyirá el desendolcu de parques eólicos en parques naturales y zones protexíes. 

Na actual Reserva de la Biosfera ya tán furrulando 5 parques eólicos (Candal, Chao das Grallas, Bobia, Villanueva, A Xunqueira) y hai otros 17 parques proyectaos.

El desendolcu de los parques eólicos n’Asturies tuvo estrau d’irregularidaes dende l’entamu, delles ensin resolver, comu la falta d’Evaluación Ambiental Estratéxica de los efeutos de los planes nel mediu ambiente. Siguen ensin resolver les abondes denuncies, mayoritariamente presentaes pola Coordinadora Ecoloxista, polos daños ambientales, urbanísticos y al padremuñu hestóricu.

Nel Dos Santos

This work is licensed under a Creative Commons Attribution 4.0 International License.