Los clus asturianos nun pasen pol meyor momentu de la so hestoria, por eso plantegemos si entá agora, la meritocracia conviérte-yos n’equipos de primera división comparando les infracadarmes y hestoria de dambos equipos colos de La Lliga
Pa entender la magnitú de los clus de forma cenciella, namás fai falta dirixinos al ranking hestóricu de LaLiga, onde tolos equipos son ordenaos según los puntos que sumaren na máxima categoría. Nel casu del Sporting, los sos 1389 puntos asitienlu como los dieciseisavos, perbaxo del Racing de Santander y perriba’l Villarreal, que menacia con quitar el puestu más ceu que tarde. L’Uviéu pela so parte atropó 1174 puntos, lo que lu converten nel decimonovenu meyor equipu na hestoria de la competición estatal, ente’l Mallorca y Las Palmas. Nel supuestu casu de formar una lliga colos venti meyores equipos de la hestoria, dambos taríen ensin dulda.
Sicasí, nun conformamos con eso, asina qu’entramos en fondura y revisamos la cantidá d’años que pasaren los dos equipos en primer división, pa comprobar si tamién formaben parte del Top 20, y asina ye yá que l’Uviéu, con 39 temporaes salta al puestu 17, y les 42 de los Playos xúben-yos hasta’l puestu númberu 15 del rexistru hestóricu.
Entá asina quixímos ver si los clubes, les sos aficiones y los sos estadios, tán al nivel de la segunda meyor división d’Europa. P’afayalo, comparamos la capacidá del Tartiere, y del Molinón col restu d’equipos, teniendo los dos una capacidá averao de 30.000 espectadores, una cifra que namás ocho equipos de la primer categoría pueden superar.
Entá asina, la capacidá d’un estadiu nun val pa na si nun s’enllena, poro comprobemos les cifres d’asistencia de los equipos. L’Uviéu recibe daqué más de 13.000 espectadores, lo que-y da pa superar a les cuatro aficiones menos comprometíes de la categoría reina. L’Sporting pela so parte pue presumir del méritu de, entá tando en segunda división, superar a más de la metá de La Lliga en cifres d’asistencia, yá que namás 9 clus pueden superar los 17.000 fieles que de media alleguen al Molinón.
Pa concluyir, realicemos una media ente les posiciones de dambos equipos, pa poder visualizar la posición na que tendríen de tar según la so infracadarma y hestoria na élite’l fúbol. L’Sporting bazcuya ente los puestos 12 y 13 de la clasificación entantu que l’Uviéu supera nestos parámetros a cinco de venti clubes, mereciendo’l llugar del quinceavu na clasificación.
Nel Dos Santos
This work is licensed under a Creative Commons Attribution 4.0 International License.
